Përgjimet e kryera nga prokuroria e Tiranës, lidhur me veprimtarinë e paligjshme gjatë ushtrimit të detyrës nga punonjësit e policisë, kanë nxjerrë në dritë edhe emrin e një ministri të qeverisë shqiptare.
Bëhet fjalë për ministrine Mbrojtjes, Niko Peleshi, i cili përmendet nga një person në një bisedë të përgjuar, duke pohuar se Niko Peleshi e kishte ndihmuar ose jo në kalimin e postobllokut të policisë.
Një bisedë e tillë,është përgjuar në datën 20 korrik 2021 në orën 22:40, Arjel Dervishi bisedon me një person tjetër, bashkebiseduesi e pyet Ariel Dervishi, nëse e kishte ndihmuar Niko Peleshi, për të kaluar postobllokun e policisë në Korçë.
Por, Ariel Dervishi, e sqaron se nuk ishte ndihmuar nga Niko Peleshi, por nga Shefi i Komisariatit të Policise Korçe, Krenar Gjokutaj.
Për të sqaruar këte pozicion gjykata e Tiranës, ka lejuar me vendim përgjimin e numrit telefonik të Krenar Gjokutaj.
Në datën 12 gusht 2021 janë regjistruar biseda, ku Krenar Gjokutaj, bisedon me një shtetas, i identifikuar si punonjësi i policise Petro Fraholli si dhe me punonjësin e sallës operative ku bisedohet për kthimin e një blloku dokumentash automjeti, tek një shtetas. Ndërsa në një përgjim të mëparshëm të datës 11 gusht 2021 është përcaktuar se këto dokumenta i përkisnin automjetit me targa AA 373 IR me posedues Dervid Ponjari.
Gjatë hetimeve ka rezultuar se ky person, ka biseduar me Krenar Gjokutaj, duke i kërkuar që ta ndihmonte për të rimarrë dokumentacionin e mjetit pasi punonjës të qarkullimit rrugor në Korçë, e kishin gjetur jashtë orarit policor pa autorizim nga E-Albania.
Në kqyrjen e aparatit telefonik të punonjesit të policisë Petrit Fraholli, vërehen përsëritje shumë të shpeshta të episodeve të ngjashme, ku Krenar Gjokutaj, bisedon me Petro Frahollin, për të lejuar të largohet pa proçedurë administrative një automjet i markës “Range Rover”.
Kjo ngjarje ka ndodhur në datën 1 maj 2021, ku një person i quajtur Andrea me furgon, pasi ishte miku i Krenar Gjokutaj, në datën 5 qershor 2021, si edhe një bisedë ku Krenar Gjokutaj, i shfaq pretendim Petro Fraholli, se ishte hera e dytë që ja bënin kështu në lidhje me një test.
/Ora News/
