Milan ka ndjekur një politikë të qartë në merkato. Një politikë që bazohet te gjetja e lojtarëve të rinj që nuk kushtojnë shumë dhe që mund të rriten te kuqezinjtë.
Janë të shumtë lojtarët që kanë mahnitur dhe vazhdojnë të përmirësohen nën urdhrat e trajnerit Pioli.
Për këtë arsye, kuqezinjtë janë vënë në kërkim të emrave të tjerë në mesfushë, edhe pse Franck Kessie ka shumë mundësi të largohet me kosto zero në fund të sezonit.
Bëhet fjalë për lojtarë të sinjalizuar nga vëzhguesit e klubit. Lista e klubit milanez është shumë e pasur dhe përmban disa prej talenteve më të mirë në qarkullim për mesfushën.
Një nga këta është Ioao Palhinha, lojtar i Sporting i cili kushton 50 milionë euro. Më pas janë Tomas Handel i Vitoria Guimaraes, Vitinha i Porto-s dhe Paulo Bernardo i Benfica-s, emrat më të kushtueshëm.
Sipas Gazzetta dello Sport, nuk mund të përjashtohet mundësia që Vitinha të zbarkojë më shpejt nga sa është parashikuar në Milano.
