Jose Mourinho kishte zgjedhur të snobonte të ftohtin në Norvegji në Conference League teksa në transfertën me Bodo hodhi në fushë pothuajse rezervat e këtu përfshihet edhe Marash Kumbulla, që nuk konsiderohet titullar nga portugezi. Rezultati ishte zhgënjyes pasi Roma u mund 6-1 nga ekipi norvegjez që merr edhe kryesimin në Grupin C.
Edhe Tottenham në Grupin G kishte të njëjtën strategji. Rezervat nga trajneri Santo të cilët u mundën 1-0 në fushën e Vitesse. Ky rezultat favorizon Rennes që fitoi 2-1 në Slloveni ndaj Mura dhe ngjitet në krye të grupit me 7 pikë teksa edhe Vitesse e kalon në renditje ekipin anglez.
Në Grupin E bie në sy fitorja e Feyenoord 3-1 ndaj Union Berlin në shtëpi, sukses që e çon ekipin holandez në krye me 7 pikë. Ndjek Maccabi Haifa me 4 pikë pas fitores 1-0 ndaj Slavia Prague.
