Arta Dollani ka dhënë dorëheqjen nga pozicioni i drejtores së Institutit Kombëtar të Trashëgimisë Kulturore. Ministrja e Kulturës Elva Margariti ka emëruar në krye të IKTK, deri në përfundimin e procedurave të konkurimit, Rudina Kule, që mbante detyrën e zv.drejtores në këtë institucion.
Ky institut u formua nga bashkimi i 2 institucioneve të mëparshme në varësi të ministrisë së Kulturës përkatësisht nga Instituti i monumenteve të Kulturës dhe Agjencia e Shërbimit Arkeologjik.
IKTK-ja duhet të ushtrojë veprimtarinë në fushën e trashëgimisë kulturore materiale, me qëllim gjurmimin, hulumtimin, studimin, projektimin, konservimin, restaurimin, mbikëqyrjen, kolaudimin, promovimin, publikimin e trashëgimisë kulturore materiale.
