Kryeministri Edi Rama pohon në një video të postuar në rrjetet sociale, se sateliti “Albania 1”, do lëshohet në hapësirë në muajin Mars. Ndërsa “Albania 2”, sipas kryeministrit, në muajin Qershor.
Më herët, Rama ka deklaruar se satelitët do ndihmojnë për kontrollin e territorit.
“Dronat, po e po, por edhe satelitët në mënyrë që kontrolli mbi territorin, mbi trafiqet, kontrolli mbi kufijtë, kontrolli mbi gjithçka të kalojë në nivelin e teknologjisë dhe të hiqet nga duar e atyre që kontrollojnë me sy që në atë pikë nuk është se dallojnë shumë me njëri-tjetrin”, është shprehur kreu i qeverisë.
