Kryetari i PD, Lulzim Basha, u shpreh sot se do ti drejtohej Gjykatës Kushtetuese, lidhur me çështjen Bechetti, për të cilën Partia Socialiste refuzoi ngritjen e Komisionit Hetimor parlamentar.
Basha tha se propozimet për amendamentet Kushtetuese, si dhe Komisionet Hetimore dhe nisja e punës për Reformën Zgjedhore, përbëjnë edhe betejën e demokratëve në Kuvend për rikthimin e demokracisë dhe shtetit ligjor.
Basha tha se aktualisht shteti ka rënë, demokracia vdiq, pas masakrës elektorale të 25 prillit.
Sipas kreut demokrat, vendi ka nevojë për një reformë të thellë Kushtetuese, për të cilën tha se nuk ka hequr dorë, sikundër ka propozuar 4 vite më parë.
“I qëndroj propozimeve të 4 viteve më parë për një reformë të thellë Kushtetuese, por amendamentet që propozojmë dhe i depozituam sot në Kuvend, janë vetëm hapi i parë”, tha Basha.
Ndërsa foli për pastrimin e llumit të tranzicionit, Basha ka ripohuar se llum ka pasur edhe Qeveria e PD, pasi zyrtarë të saj kanë përfituar nga pushteti pvr tu pasusuar.
“Duhet ti japim fund llumit të tranzicionit dhe sikundër e kam thënë tranzicioni ka si aleat të vetin më të mirë stanjacionin”, shtoi Basha.
