Aktori Donald Veshaj u ka rrëfyer disa banorëve të “Big Brother VIP” historinë e njohjes me Bora Zemanin, me të cilën është ndarë pak muaj më parë. Aktori zbuloi se Bora është femra që ai ka dashur më shumë, por u ndanë pas zënkave të shumta.
“Ishim te lokali dhe u ulëm kështu ballë për ballë dhe vetëm po e shikoja, dhe kur e shikoja që ajo më shihte hiqja kokën se nuk doja të dukesha si manjak. Njeriu po pa keq ka probleme. Edhe i thoja shokut: ‘O plak, shiko çik, po më shikon apo jo?’.
Semi ka qenë në tavolinë (me Borën dhe me një shoqe tjetër të tyren, ndërsa Donaldi ishte me shokun e vet dhe me Jonida Maliqin). U ula me kurriz dhe bëja sikur flisja me këtë shokun, hapja gojën kot. Unë asnjëherë nuk ngacmoj, nuk jam tipi. Shoku më thonte: ‘Po të ha me sy!’”.
Semi tregoi se edhe Borës i kishte rënë në sy Donaldi dhe gjatë gjithë kohës e pyeste këngëtaren nëse aktori po e shihte apo jo.
