Kryetari i Partisë Demokratike Lulzim Basha tha se 95 % e anëtarëve të PD mbështesin që ai të vijojë betejën kundër regjimit Rama-Doshi-Rakipi.
Basha u pyet në konferencën për mediat lidhur me një sondazh që qarkullon, sipas të cilit 80 % e demokratëve nuk kanë besim te ai si lider i PD-së.
Por kreu demokrat, tha se bazuar në sondazhet e tij, 95 % e demokratëve mbështesin që ai ti udhëheqë në luftën ndaj regjimit Rama-Doshi-Rakipi.
Në këtë mënyrë Basha përjashtoi mundësinë e një dorëheqjeje nga posti i kreut të PD, ndërkohë që ish-Kryeministri Sali Berisha ka nisur një proces bashkëbisedimi me anëtarësinë e partisë, për mbledhjen e Kuvendit Kombëtar.
