Nga BoldNews.al
Armë dhe uniforma të policisë greke në Manastirin e Dhërmiut, në Himarë. Një denoncim, i shoqëruar edhe me video, ka mbërritur në redaksinë e BoldNews.al, ku duken armë në “shtëpinë” e Zotit.
Një denoncim i pazakontë, pasi vendi konsiderohet i shenjtë për besimtarët, por jo për “pronarët” e tij. Në video duket një armë, e llojit pistoletë, në njërën nga dhomat e këtij manastiri.
Sipas informacioneve të BoldNews.al, arma përdoret nga persona të dyshimtë që qëndrojnë në këtë vend të shenjtë, të quajtur Burimi Jetëdhënës. Mësohet se në këtë vend, qëndrojnë disa person që flasin gjuhën greke. Madje, në këtë vend të shenjtë, brenda territorit të Shqipërisë, flitet vetëm greqisht. Është e ndaluar gjuha shqipe, ndërsa manastiri vizitohet shpesh nga disa persona me kombësi greke.
Krahas armëve, burimet pohojnë se brenda “Shtëpisë së Zotit” ka edhe uniforma të policisë greke. “Këto uniforma futen nga Greqia në Shqipëri. Një nga murgjit që i strehon quhet F.Ksenofon, i cili bën edhe mbledhje të dyshimta me këta persona”, pohojnë burimet për BoldNews.al. Por, ajo që është shqetësuese ka të bëjë me organet e zbatimit të ligjit apo ato të inteligjencës. Ku është Policia e Shtetit, e cila ka një strukturë Antiterrori? Apo edhe Shërbimi Informativ Shtetëror? A kanë informacione për këta individë apo armët e uniformat e policisë greke që ndodhen brenda territorit shqiptar? A kontrollohet plotësisht territori jonë nga këta individë?
Natyrisht, organet inteligjente duhet të marrin menjëherë masa, për të parandaluar këto bastisje të strukturave inteligjente greke, e cila ka tentuar dhe po tenton që të destabilizojë Jugun e Shqipërisë, duke futur përçarje.
