Eurodeputeti David Lega ka komentuar përmes postimeve në Twitter progres raportin e BE për Shqipërinë.
Lega shprehet se janë 15 kushte që i janë vënë Shqipërisë për të nisur negociatat e pranimit.
Sipas tij, minimizimi i kritereve të pranimit do të rrezikonte kredibilitetin dhe besueshmërine Bashkimit Europian.
Lega, anëtar i Komisionit për Politikën e Jashtme dhe të Drejtat e Njeriut në PE, i kërkon Brukselit të monitorojë rreptësisht kursin e reformave të qeverisw shqiptare.
Reagimi i David Lega
Komisioni Europian vazhdon të përsërisë se besueshmëria e BE varet nga hapja e negociatave të pranimit me Shqipërinë. Ndërsa më duhet të theksoj se besueshmëria e BE-së varet nga përmbushja e 15 parakushteve të BE-së nga Shqipëria, para se të vazhdohet me procesin e pranimit në BE.
Rruga drejt anëtarësimit në BE është një nga kërkesat që synojnë garantimin e demokratizimit, modernizimit, sundimit të ligjit dhe garantimit të stabilitetit. Nëse anëtarët e rinj bashkohen pa respektuar plotësisht vlerat thelbësore të BE-së, do të minonin besueshmërinë e BE-së në tërësi.
Minimizimi i kushteve të pranimit do të rrezikonte kredibilitetin e BE-së, si dhe të ardhmen demokratike të shqiptarëve. BE -ja i detyrohet si qytetarëve të BE-së ashtu edhe miqve tanë shqiptarë që të shqyrtojnë me seriozitet reformat themelore të nevojshme në Shqipëri.
