UEFA ka dënuar Anglinë, pas ngjarjeve të ndodhura para finales së Europianit me Italinë në “Wembley”, ku tifozë të shumtë shkaktuan trazira dhe rreth 5 mijë tifozë, u futën pa bileta.
Pas një hetimi të gjatë, është vendosur që Anglia të dënohet me zhvillimin e dy ndeshjeve pa tifozë në shtëpi. Anglia ndeshjen e radhës e ka me Shqipërinë, por në vendimin e bërë publik, thuhet se dënimi do të jetë vetëm për kompeticionet e UEFA-s.
Kjo do të thotë se ndeshja me Shqipërinë do të luhet me tifozë, pasi është e vlefshme për eliminatoret e Botërorit, që është nga FIFA, ndërsa Anglia do të shlyejë dënimin në ndeshjet e para të Ligës së Kombeve për 2022-2023.
Gjithashtu Federata Angleze është dënuar me një gjobë prej 100 mijë eurosh.
