Këngëtari Shpat Kasapi, teksa ishte i ftuar në “E Diell”, iu bë një “rreng” nga moderatori ku tregonte se bashkëshortja e tij, Selvija, do futej në “Big Brother Vip”. Shpati tha se e njihte mirë atë, por edhe nëse ajo do të pranonte, këngëtari do të ishte dakord dhe nuk do ta pengonte.
Pasi u zbulua loja e fshehtë, këngëtari zbuloi: “Edhe mua më kanë ftuar në ‘Big Brother Vip’, por e refuzova se nuk më la Selvija. Kështuqë, kur ajo s’më la mua, si do futej vetë?”
Shpat Kasapi dhe Selvija presin të bëhen për herë të parë, prindër të një djali dhe kjo ishte e vetmja arsye që ai nuk e pranoi ftesën e “Big Brother” pasi do t’i qëndrojë pranë bashkëshortes së tij gjatë periudhës së shtatzënisë.
