Kreu demokrat Lulzim Basha ka publikuar në rrjetet sociale një pjesë të fjalimit të mbajtur në Kuvend, në seancën e së enjtes. Basha ka shpërndarë mesazhin lidhur me atë që e quan si llumi i tranzicionit dhe për të cilin thotë se është statusquoja.
Basha thekson se nuk ka forcë ta ndalë rrugën për ndryshim, kundër të gjitha pengesave, kundër status quo-së, për ndërtimin e një të ardhmeje më të mirë, për çdo shqiptar
“Llumi i tranzicionit është një dhe vetëm një, pavarësisht nëse buron nga një parti apo nga një parti tjetër.
Pavarësisht se drekon apo darkon me të njëjtët oligarkë apo aktorë të krimit të organizuar dhe përpiqet të influencojë opinion publik përmes të njëjtave ekrane, ekraneve të kapura.
Është i njëjti llum dhe ka të njëjtat interesa, ju bashkojnë të njëjtat gjera, Status quo-ja. Dhe status quo-ja është kjo që të flisni për satelitë ndërkohë që njerëzit nuk kanë bukë për të ngrënë”, shprehet Basha.
Nuk ka forcë ta ndalë rrugën për ndryshim, kundër të gjitha pengesave, kundër status quo-së, për ndërtimin e një të ardhmeje më të mirë, për çdo shqiptar🇦🇱✌️ pic.twitter.com/eFSXV36R9l
— Lulzim Basha (@lulzimbasha_al) October 17, 2021
