Moderatorja shqiptare, Jona Spahiu dhe partneri i saj, Frenkli, mirëpritën në jetë djalin e tyre, Raiden.
Së fundmi, gjatë një bisede virtuale me ndjekësit e saj në Instagram, Jona ka folur për depresionin pas lindjes. Ajo pranoi se ka përjetuar depresion pas lindjes së djalit, por shprehet se ne si shoqëri ende nuk jemi mësuar t’i trajtojmë këto fenomene.
“Po e kam përjetuar, nuk di t’i vë një emër, ndoshta se nuk jemi mësuar t’i pranojmë dhe trajtojmë këto fenomene/ probleme, por qartazi ka qenë një periudhë si gjithë të tjerat edhe për mua. Kaloi, por nëse nuk kalon nuk është turp ta pranosh dhe të kërkosh ndihmë. Djemtë nuk dinë asgjë për këtë”- tregoi moderatorja.
