Komisioni Qendror i Zgjedhjeve ka nisur sot procesin e verifikimit të rezultatit të 25 prillit.
Nga verifikimi i 13 kutive të Shkodrës, rezultati ndryshon me vetëm 9 vota. Kështu PSD ka 2 më shumë, LSI 1 më shumë, PD 2 më shumë, Lëvizja për Ndryshim 3 më shumë dhe PS 1 më pak.
Rinumërimi i fletëve të votimit, edhe pasi rezultati i zgjedhjeve të 25 Prillit është vulosur është detyrim që rrjedh nga Kodi Zgjedhor i ndryshuar, si një garanci e shtuar e procesit.
Hetimi zgjedhor do të shtrihet edhe për pajisjet, të cilat bënë të mundur identifikimin dhe numërimin elektronik të votave. Rinumërimi nuk afekton rezultatin e certifikuar të 25 Prillit, por pritet të ketë pasoja mbi komisionerët dhe numëruesit.
Nëse konstatohet se ata kanë kryer shkelje ligjore që mund të kenë cenuar vullnetin e votuesve shqiptarë, atëherë ata do të shkojnë për hetim pena.
