Turistët rusë u gjetën pajetë nga stafi i hotelit në Qerret, ja çfarë tha policia për ngjarjen

Një ngjarje e rëndë ka ndodhur mbrëmjen e sotme në Qerret të Kavajës, ku katër persona janë gjetur të vdekur brenda një hoteli.

Sipas policisë katër personat janë turistë rusë dhe dyshohet se janë asfiksuar, pasi gjendeshin në dhomën e saunës.

Policia bën me dije se 4 turistët rusë, dy meshkuj dhe dy femra K. S, 31 vjeçe,  N. L, 58 vjeç, N. A, 37 vjeçe dhe S. A, 60 vjeç, kishin ardhur në Shqipëri para 1 jave.

Nga raportimet mësohet se përvec grupit hetimor të nisur nga Tirana, gjithashtu është njoftuar edhe Ambasada ruse në Tiranë, lidhur me ngjarjen e rëndë.

Dhe menjëherë pasi është njoftuar nga autoritete në vendngjarje ka mbërritur dhe një zyrtar i lartë i Ambasadës ruse në Tiranë.

LEXO EDHE  Covid në Kosovë, ja sa raste të reja janë shënuar në 24 orët e fundit

Katër viktimat mësohet se ishin pjesë e një grupi turistësh që po vizitonin Shqipërinë dhe alarmi është dhënë nga pjesëtarë të tjerë të grupit, që po i kërkonin, pasi kishin humbur kontaktet për disa orë.

Kavajë/Informacion paraprak

Rreth orës 22:20, në Qerret, Kavaje,në ambientet e saunës të një hoteli, dyshohet se janë asfiksuar dhe për pasojë kanë ndërruar jetë shtetasit Rus, K. S, 31 vjeçe, 

N.L, 58 vjeç, N. A, 37 vjeçe dhe S. A, 40 vjeç.

Grupi hetimor nën drejtimin e Prokurorisë ndodhet në vendngjarje dhe po punojnë për sqarimin e plotë të rrethanave të ngjarjes.