Një 36-vjeçare me banim në Londër është proceduar penalisht pasi i janë gjetur me vete në Rinas 10.200 paund të padeklaruara.
“Në hyrje të Republikës së Shqipërisë, është ndaluar për kontroll shtetasja N.M, 36 vjeçe, banuese në Londër. Gjatë kontrollit të ushtruar në çantën e dorës iu gjetën 10.200 paund të padeklaruara, sasi e cila iu sekuestrua në cilësinë e provës materiale”, njoftoi policia.
Materialet i kaluan Prokurorisë pranë Gjykatës së Shkallës së Parë Tiranë, për veprën penale “Mosdeklarimi në kufi i të hollave ose sendeve me vlerë”, shtuan të njëjtat burime.
