Eduard Kuçi ka treguar puntatën e djeshme në “Për’puthen” një anë tjetër të karakterit të tij. Në studio është shfaqur gjithmonë si një njeri i ftohtë dhe moskokëçarës, por dje Edi tregoi se është edhe tip i ndjeshëm. Ai zbuloi se për tre vite ka kaluar një periudhë shumë të vështirë në jetën e tij, aq sa ka dashur që të mos jetonte.
“Po në fëmijërinë time. Në moshën 13 deri 16 vjeç ka qenë një fazë e rëndë për mua, sepse ka ndodhur diçka në familje. S’mund të flas (përlotet). Më mirë të kisha vdekur ato vite, e mos me kon gjallë sesa me e përjetu.
Në atë periudhë e kam mësu se çfarë do të thotë jeta, sfidat, armiqtë, po është diçka shumë personale. Çkado që të bëj tash e tutje do e bëj për vllavin tem, unë s’kam pas kënd afër përveç familjes teme, shyqyr Allahut, po du me u çu në këmb kur ja përmeni emnin,– tregoi ai.
