Nishani ironizon Bashën: Hipokrizi ekstreme, ke manipuluar votat brenda PD

Bujar Nishani, ish-President i Republikës dhe ish-kreu i Këshillit Kombëtar të PD, ka reaguar lidhur me deklaratat e kreu demokrat Lulzim Basha, pas takimit me përfaqësues nga Senati SHBA, ndërsa i cilësoi ato si kulmi i hipokrizisë dhe fyese për demokracinë amerikane dhe lirinë si dimension.

“Eshtë hipokrizi ekstreme, kur Lulzim Basha ju tregon shqiptarëve se ka denoncuar manipulimin dhe vjedhjen e zgjedhjeve prej Edi Ramës, ndërkohë L. Basha është manipulatori dhe grabitësi më i shëmtuar i zgjedhjeve brenda Partisë Demokratike.

Kur Basha ju flet për standartet demokratike përfaqësuesve nga SHBA, ai fyen themelin e lirisë dhe dimensionin e demokracisë amerikane”, shkruan Nishani në rrjetet sociale.

LEXO EDHE  Në kërkim nga Italia, arrestohet në Tiranë 43-vjeçari

Në vijim, Nishani shkruan se në SHBA, asnjë nuk manipulon dhe grabit votat brenda partisë së tij, askush nuk asgjeson votën e lirë dhe të drejtën e kandidimit në partinë e tij, në asnjë rast nuk asgjesohet gara, për asnjë arsye vendimet nuk merren ilegalisht dhe në dhunim të institucioneve, siç vepron Basha sistematikisht brenda partisë së tij.