Jesy Nelson, ka rrëfyer më herët për ‘Cosmopolitan’ se çfarë e shtyu të largohej nga grupi i “Little Mix” ku ishte pjesë prej vitesh.
Këngëtarja e famshme ka zbuluar se më në fund ndihet e lirë dhe ka pranuar se ka dashur që të vrasë veten shpesh dhe vetëm izolimi dhe largimi nga puna e bëri që të kuptojë në çfarë njeriu ishte transformuar.
Këngëtarja, u largua nga banda në Dhjetor 2020, pas nëntë vjetësh, duke dhënë deklaratën se të qenit pjesë e një grupi të profilit të lartë të vajzave, kishte dëmtuar shëndetin e saj mendor.
Ylli tregoi se kishte pësuar një sulm paniku në një set sepse ishte e pakënaqur me pamjen e saj. Por ky vendim i artistes ishte një shok për anëtaret e tjera të grupit të famshëm.
Së fundmi, një burim ka treguar se Leigh-Anne Pinnock, Perrie Edwards dhe Jade Thirlwall, e kanë marrë vesh një gjë të tillë përmes avokatëve dhe ky vendim i papritur i artistes ka shkaktuar një krisje mes vajzave, me të cilën nuk kanë folur për një vit.
“Jesy krijoi këtë skenar. Ajo u largua nga grupi pa u thënë drejtpërdrejt vajzave apo menaxhmentit dhe ata e dëgjuan për këtë përmes avokatëve të saj. Ata e kanë mbështetur atë për dhjetë vjet dhe e kanë mbrojtur dhe janë të shkatërruar nga e gjithë kjo”- u shpreh burimi.
