Organizata Botërore e Shëndetit (OBSH) ka bërë të ditur me dije se procesi i regjistrimit të vaksinës Sputnik-V Covid-19, në listën e saj të vaksinave të miratuara për përdorim është pezulluar.
Sipas mediave të huaja mësohet se ky vendim është marrë pas disa të dhënave të cilat mungojnën ga ana e kompanisë.
“Ne po punojmë me Ministrinë Ruse të Shëndetësisë pothuajse çdo ditë për të adresuar çdo çështje të mbetur që duhet të plotësohet nga Fondi i Investimeve Direkte Ruse, ” tha Mariangela Simao, ndihmës drejtore e përgjithshme e OBSH-së në ilaçe dhe produkte shëndetësore.
Ministri rus i Shëndetësisë Mikhail Muraska kishte thënë në fillim të këtij muaji se të gjitha pengesat për regjistrimin e vaksinës nga OBSH ishin tejkaluar dhe se vetëm disa procedura burokratike kishin mbetur për t’u përfunduar.
Simao tha se sapo të arrihet një marrëveshje, OBSH do të rihapë çështjen dhe do të vlerësojë të dhënat e paraqitura, edhe pse ato ishin “akoma të paplota” dhe do të rifillojë inspektimet në vendin e prodhimit në Rusi.
“Të gjitha parashtresat që kemi, ato adresohen në të njëjtën mënyrë,” tha ajo dhe nuk specifikoi një afat kohor kur mund të përfundonte procesi i listimit.
Sputnik V, ishte një nga vaksinat që u soll dhe u përdor nga autoritetet shëndetësore shqiptare, ndërsa nuk dihet se sa doza mund të jenë injektuar.
