Mavys Alvares, ish e dashura e Diego Maradona-s, deklaroi pak javë më parë se legjenda e futbollit u lidh me të kur ajo ishte vetëm 16-vjeç dhe e detyroi të konsumojë kokainë.
Sipas “Daily Mail”, i ndjeri e mbylli Mavys në hotel dhe e detyroi që të kryejë edhe një ndërhyrje kirurgjikale në gjoks gjatë lidhjes së tyre 3-vjeçare.
Së fundmi, gazeta spanjolle “Infobae” ka publikuar një video intime të 38-vjeçares me Maradona-n. Legjenda e futbollit, i cili vdiq vitin e kaluar në moshën 60-vjeçare, shfaqet me kamerë në dorë duke filmuar në dhomën e hotelit. Ndërkohë në sfond shihen edhe bashkëpunëtorët e tij. Në kohën që ai u njoh me Alvares, ishte 40 vjeç.
Këto pamje kanë ngritur dyshimet se Maradona është marrë me trafikim të qenieve njerëzore.
