Sekuestrohen mbi 10 kg kok*inë në kontenierët e “Alba Exotic Fruit”

Një sasi prej mbi 10 kg kokainë u sekuestrua nga policia në një prej kontenierëve të firmës “Alba Exotic Fruit”.

Policia njoftoi se në kuadër të operacionit “Rada”, të nisur më datë 13.07.2021, në Portin e Durrësit, ku nga Task Forca permanente e përbërë nga Policia Kufitare, strukturat hetimore të Drejtorisë Vendore të Policisë Durrës dhe autoritetet doganore të Portit është gjetur dhe sekuestruar lëndë narkotike kokainë, në një nga kontenierët për llogari të firmës “Alba Exotic Fruit”, tjetër sasi kokaine është sekuestruar ditën e sotme.

LEXO EDHE  Makina inteligjente kthehet në ‘tmerr’, gjobiten 1012 drejtues mjetesh. 7 në pranga

Task Forca permanente ka ushtruar kontroll i imtësishëm në dy nga kontenierët e ngarkuar me banane, që kishin ardhur nga Ekuadori, për llogari të kësaj firme.

Si rezultat i kontrollit të imtësishëm, në pjesën fundore, te kapakët e motorëve frigoriferikë të dy kontenierëve u gjet dhe u sekuestrua një sasi prej 10 kilogramë e 185 gramë lëndë narkotike e dyshuar kokainë.