Emri/ Të shtënat me armë te Komuna e Parisit, plagoset 22-vjeçari

Redi Balla, 22 vjeç, raportohet se ka mbetur i plagosur si pasojë e të shtënave me armë zjarri në zonën e Komunës së Parisit.

Nga raportimet mësohet se 22-vjeçari është transportuar në spital. Sipas mjekëve, i plagosuri Balla ka marrë një plumb në këmbë.

Tiranë/ Informacion paraprak

Rreth orës 22:35, tek lulishtja në rrethrrotullimin e Komunës së Parisit, në rrethana ende të paqarta, dyshohet se është plagosur me armë zjarri brenda mjetit të tij të parkuar shtetasi R.B, 22 vjeç, i cili ndodhet në spital, nën kujdesin e mjekëve.

LEXO EDHE  Vlorë, policia arreston 3 egjiptianë në Port. Ja çfarë iu gjeti

Shërbimet e Policisë kanë bërë rrethimin e zonës dhe po vijojnë kontrollin e saj për të bërë të mundur identifikimin dhe kapjen e autorit.

Grupi hetimor ndodhet në vendngjarje dhe vijon punën për sqarimin e rrethanave të ngjarjes dhe dokumentin e plotë të saj.