Epidemiologu i njohur Ilir Alimehmeti ka publikuar në rrjetet sociale studimin më të fundit mbi antitrupat monoklonalë në rastet e pacientëve të prekur nga Covid.
Alimehmeti bazuar në të dhënat e trajtimit të pacientëve, shprehet se sa më shpejt të jetë e mundur duhet të importohen në Shqipëri antitrupat monoklonalë për trajtimin e pacientëve me Covid.
Postimi nga Ilir Alimehmeti
“Bëj sa më shumë të mundesh PËR pacientin dhe vepro sa më pak të mundesh MBI pacientin.”
Cit.: Dr. Bernard Lown (çmim Nobel për Paqen – 1985)
❓ A funksionon terapia me antitrupa monoklonalë?
✅ Po! Funksionon, dhe funksionon shumë mirë miqtë e mi!
⚠ Pavarësisht përdorimit të emergjencës të dhënë nga FDA-ja që më 21 Nëntor 2020, ka tentativa të vazhdueshme për të ndaluar apo frenuar globalisht përdorimin e terapisë jetëshpëtuese me antitrupa monoklonalë!
💪 Studime pas studimesh e vërtetojnë efektin e tyre jetëshpëtues!
⚠ Studimi i publikuar në prestigjiozen JAMA më 21 Shtator 2021, është pranuar për publikimin që më 19 Korrik 2021.
⁉ Dy muaj të humbur kot miqtë e mi! PSE?
🇺🇸 Studiuesit e Whiteriver Indian Hospital, Arizona (SHBA) morrën në studim:
👉 481 pacientë që përmbushnin kriteret për risk të lartë të specifikuar në EUA (emergency use authorization), nga të cilët
👉 201 pacientë (41.8%) morrën trajtimin me antitrupa monoklonalë,
👉 280 pacientë (58.2%) nuk e morrën trajtimin me antitrupa monoklonalë.
📃 Pacientët që e morrën trajtimin me antitrupa monoklonalë:
❗ Ishin më të vjetër në moshë:
👉 50 vjeç mosha mediane e pacientëve të trajtuar;
👉 43 vjeç mosha mediane e pacientëve të patrajtuar.
❗ Kishin më shumë sëmundje bashkëshoqëruese:
👉 56.7% e pacientëve të trajtuar kishin ≥2 sëmundje;
👉 44.6% e pacientëve të patrajtuar kishin ≥2 sëmundje.
👉 Pra, duke qenë më të vjetër në moshë dhe me më shumë sëmundje, pritet që pacientët e trajtuar me antitrupa monoklonalë të ishin më të pafavorizuar në ecurinë e COVID-19.
❓ Por çfarë ndodhi?
🙏 Pacientët e trajtuar me antitrupa monoklonalë patën ecuri shumë më të mirë se sa pacientët e patrajtuar!
📃 Patën nevojë për vizita mjekësore akute:
👉 29.4% e pacientëve të trajtuar me antitrupa monoklonalë, kundrejt
👉 48.6% të pacientëve të patrajtuar, pra
✅ ulje me 39.5% e riskut për vizitë mjekësore akute.
📃 U shtruan në spital:
👉 17.4% e pacientëve të trajtuar me antitrupa monoklonalë, kundrejt
👉 42.9% të pacientëve të patrajtuar, pra
✅ ulje me 59.4% e riskut për t’u shtruar në spital.
📃 U shtruan në terapi intensive:
👉 0 pacientë të trajtuar me antitrupa monoklonalë, kundrejt
👉 12 pacientëve (4.3%) të patrajtuar, pra
✅ efektivitet 100% kundër shtrimit në terapi intensive.
📃 Humbën jetën:
👉 0 pacientë të trajtuar me antitrupa monoklonalë, kundrejt
👉 8 pacientëve (2.9%) të patrajtuar, pra
✅ efektivitet 100% kundër humbjes së jetës.
🚫 8 vdekjet ndodhën të gjitha në pacientë që i plotësonin kriteret për trajtimin me antitrupa monoklonalë, por të cilëve nuk iu ofrua ky trajtim!
🙏 Pra, miqtë e mi, antitrupat monoklonalë funksionojnë dhe funksionojnë shumë mirë!
🇦🇱 Duhet t’i importojmë në Shqipëri sa më shpejt!
