Rama: Po rritën pagat dhe pensionet brenda vitit futemi në krizë urie

Kryeministri Edi Rama deklaroi në konferencën për shtyp nga Kryeministria, ku po prezanton planin për krizën energjetike, se rrogat dhe pensionet nuk mund të rriten aq sa është dëshira e qytetarëve.

Siaps tij rritja nuk mund të vijë pasi do të çonte shtetin në krizë dhe do të rrezikonim të vdisnim urie.

Nëse rrisim pagën minimale në 300 euro dhe atë mesatare në 500 euro, shteti do të shkonte në falimentim, vendi do të hynte në krizë urie brenda vitit. Rritja e pensioneve sot, nuk lejon investime nesër.  Ju kam dëgjuar me shumë vëmendje dhe është e nevojshme ta dëgjojmë njeri-tjetrin, por kur ballafaqojmë opinionet duhet të marrim për bazë faktet reale. Ndryshe nuk merremi vesh, njëri i bie gozhdës, tjetri patkoit.

Nuk ekziston asnjë qeveri në botë, edhe më e keqja që s’ka dëshirë të rrisë pagat dhe pensionet aq sa do të donin qytetarët. Por rritja duhet të bazohet në fakte dhe realitetin ekonomik e financiar të vendit. Të rritësh paga e pensione e të ulësh kontribute, do të thotë të qeverisësh me logjikën e sudes dhe jo logjikën e atdheut, të vrasësh symbyllur të ardhmen.

Dikush thotë se nuk janë rritur pagat në 8 vite. Tabela flet ndryshe. Ja poziconi ynë 8 vjet më parë, të fundit dhe me një diferencë dramatike. Ja rritja e pagave në rajon përgjatë këtyre viteve. Të tjerët thonë se ne i kemi braktisur njerëzit në nevojë, duke filluar nga pensionistët dhe e paskemi rritur energjinë elektrke më shumë se çdo vend i Europës.

Por faktet nuk janë opinione. Ja çmimi i energjisë në Shqipëri në raport me vendet e tjera. E vërtetë që ata (vendet e tjera) i kanë rrogat dhe pensionet më të larta. Por çmimi i energjisë në faturën që vjen nuk është çmimi real, por është çmim i kontrolluar nga shteti, për shtresat në nevojë. Me reformën tonë të energjisë, çmimi u ul me 9.5 lekë“, u shpreh Rama.

LEXO EDHE  50 vjet burg për 6 shqiptarë, 3 italianë dhe 1 maroken për transport kanabisi nga Shqipëria ne Itali me avion