Shqipëria e 19-vjeçarëve ka shkëlqyer në miqësoren e luajtur kundër Malit të Zi duke triumfuar me rezultatin e pastër 1-3.
Kuqezinjtë luajtën një pjesë të parë të vakët, por në të dytën skuadra e drejtuar nga trajneri Armando Cungu shpërtheu duke gjetur tre herë rrugën e golit. Protagonist absolut u bë kapiteni Eljo Toçi që rrëzoi malazezët në vetëm 3 minuta.
Fillimisht Toçi shënoi në të 58-tën më pas dyfishoi shifrat 3 minuta më vonë. Golin e tretë për kuqezinjtë e realizoi Kristian Shpendi duke shfrytëzuar nga një gabim në mbrojtje I skuadrës kundërshtare. Një ndeshje mjaft e mirë për kuqëzinjtë që do të ndeshen sërish me Malin e Zi katër ditë më vonë në një tjetër test miqësor.
