Sheikët arab nisin revolucionin te Newcastle, ish-trajneri i Interit drejt stolit të “qymyrxhinjve”

The Crown Prince of Saudi Arabia, Mohammed bin Salman.Jacquelyn MartinAP

Jo më kot tifozët e Newcastle, dolën të festonin në rrugë si të “çmendur” për ndryshimin e pronësisë së klubit. Fakti që PIF, fondi publik saudit ka buxhet të jashtëzakonshëm për merkaton i ka bërë ata të shpresojnë në rikthimin e lavdishëm drejt majave dhe në fakt nuk janë gabim.

Sipas shtypit britanik, menjëherë pronarët e rinj do të nisin forcimin e skuadrës dhe janë gati të shpenzojnë deri në 200 mln Paund për të blerë lojtarët e duhur.

Fillimisht ata po mendojnë për stolin, ku shkruhet se i kanë bërë ofertë Antonio Contes, një nga teknikët më të mirë që është pa asnjë klub teksa në Angli shikojnë Rodgers si alternative tjetër.

LEXO EDHE  Milan rigjen “pjesët” për ndeshjen ndaj Romës

Pas stolit ata do të rregullojnë edhe emrat e merkatos ku menjëherë po projektohet edhe sulmi i frikshëm. Coutinho-Cavani-Bale shihet si një mundësi për merkaton e dimrit pasi që të tre këta lojtarë janë të pakënaqur në ekipet respektive dhe dëshirojnë një aventurë të re ku te Newcastle mund të bëhen protagistë në “St. James Park”.