Lajme të mira për Shqipërinë në prag të sfidës më Hungarinë. Titullari i kundërshtarëve, Atila Fiola është dëmtuar duke braktisur grumbullin dhe federatat hungareze ka njoftuar se mbrojtësi nuk do të jetë pjesë e skuadrës për dy sfidat e radhës, përfshirë dhe Shqipërinë.
31-vjeçari Fiola është titullar bazë në formacionin e “magjarëve” ku që nga viti 2014 ka bërë plot 38 prezenca për kombëtaren. Një ogur i mirë ky për skuadrën e Reja pasi do t’i duhet të bëjë llogaritë ndryshe në formacionin që do të hedhë në fushë.
Ndeshja do të luhet mbrëmjen e nesërme në stadiumin “Pushkash Arena” pa prani të tifozëve pasi Hungaria është e dënuar nga UEFA që pas koreve raciste ndaj futbollistëve të Anglisë.
