Të paktën 20 persona janë vrarë pasi një tërmet goditi provincën Balochistan të Pakistanit në orët e para të kësaj të enjte.
Autoritetet thonë se numri i të vdekurve mund të rritet dhe se shumë njerëz u vranë kur u shemb ndërtesa. Shumë nga të vdekurit ishin gra dhe fëmijë, raportoi agjencia e lajmeve Reuters.
Shërbimi Gjeologjik Amerikan informoi se ishte një tërmet me magnitudë 5.9 rihter që goditi në një thellësi të cekët prej 9 km. Tërmetet e cekëta mund të shkaktojnë më shumë dëme.
Operacionet e shpëtimit janë ende në proces. Zyrtarët lokalë thanë se të paktën 150 të tjerë mendohet se janë plagosur, dhe disa prej tyre u dërguan me urgjencë në spital në gjendje kritike.
Më shumë se 100 shtëpi me baltë janë shembur dhe një numër i madh ndërtesash janë dëmtuar, duke lënë qindra njerëz të pastrehë, tha një zyrtar për agjencinë.
Imazhet në mediat sociale treguan njerëz në kryeqytetin krahinor të Quetta në rrugë pas kësaj.
Magnitude of a 5.9 #earthquake originated in #Harnai and jolted various parts of Balochistan including Quetta Pakistan. pic.twitter.com/o6DCjaSkCe
— Malik Ali Raza (@MalikAliiRaza) October 7, 2021
