Një tjetër rast i kultivimit të kanabisit brenda banesave është zbuluar nga policia e Tiranës, e cila ka vënë në pranga tre persona. Dy prej tyre akuzohen si organizatorë të këtij aktiviteti, ndërsa i treti kishte rolin e rojës jashtë ambientit ku kultivohej lënda narkotike me pajisje të specializuara për tharjen dhe përgatitjen e kanabisit për shitje.
Kultivimi i kanabisit në ambjetet e banesave duket se është kthyer në fenomen në Tiranë.
Një operacion për goditjen e kësaj veprimtarie u finalizuar nga policia duke vënë në pranga dy persona.
Të arrestuarit janë A. A., 28 vjeç dhe Xh. I., 54 vjeçe, të cilët në bashkëpunim me njëri-tjetrin kishin përshtatur ambientin e një banese me aparatura që shërbejnë për tharjen dhe prodhimin e lëndëve narkotike.
Kjo e fundit paketohej dhe e bëhej gati për shpërndarje me doza për përdorues të ndryshëm.
Aktiviteti kriminal në fjalë duket se ka qenë i mirëorganizuar pasi në pranga përfundoi edhe një 50-vjeçar që kishte detyrë të ruante ambientin e jashtëm të banesës dhe të raportonte tek dy të tjerët në rast se shikonte lëvizjeve të dyshimta.
Gjatë kontrollit të banesës u gjetën edhe 27 kg lëndë e dyshuar kanabis, një armë zjarri pistoletë, municion luftarak, aparatura që shërbejnë për tharjen dhe prodhimin e lëndës narkotike, doza me lëndë të dyshuar kokainë, një peshore elektronike dhe një automjet.
Në vijim të kontrollëve ju arrestua edhe një 45-vjeçar me iniciale A. H, që kishte thyer masën e sigurisë “Arrest në shtëpi” dhe u konstatua jashtë banesës.
Gjatë kontrollit të banesës policia i gjeti këti shtetasi një sasi me lëndë narkotike kanabis dhe një peshore elektronike.
