Një 47-vjeçar shqiptar ka rënë në prangat e policisë italiane për kultivim të lëndëve narkotike.
Mësohet se ai u arrestua bashkë me një 30-vjeçar italian ndërsa po ujitnin një parcelë me 1000 mijë bimë kanabis.
Pas identifikimit, rezultoi se shqiptari 47-vjeçar ishte një person i shpallur në kërkim nga drejtësia italiane dhe i dënuar nga Gjykata e Napolit me 24 vite burg për tentativë vrasje e trafik lëndësh narkotike.
Ndërkohë policia italiane njofton se po vijojnë hetimet për identifikimin e personave të tjerë të përfshirë në këtë veprimtari kriminale.
