Punimet në “Zeqir Ymeri” janë drejt fundit. Ka përfunduar edhe shtresa e fundit e fushës, sakaq tashmë fokusi është te tapeti që do vendoset. Ritme e kënaqshme të japin shpresë se gjithçka do mbyllet shumë shpejt, teksa skuadra më në fund do ketë “shtëpinë” e saj pas shumë kohësh “shtegtim”.
Klubi verilindor ka postuar disa foto, pak minuta më parë. Tifozët kuksianë mezi po presin që të shikojnë skuadrën e tyre të zemrës të luajë në impiantin e ri, me shpresën se ky do jetë viti i tyre.
“Sot ka perfunduar edhe shtresa e fundit e fushes ne stadiumin “Zeqir Ymeri” dhe gjithcka eshte gati per tapetin qe vjen kete jave .Pjesa tjeter e stadiumit ka perfunduar, si ne ambientet e brendshme po ashtu edhe parkingu dhe vendosja e stolave ne tribunen perballe dhe pas porte” – shkruan klubi.
