Bashkia e Vlorës i bën thirrje qytetarëve që të kenë kujdes dhe të shmangin daljen në rrugë për shkak të përkeqësimit të situatës nga moti dhe nisjes së reshjeve të dendura.
Në një komunikatë të lëshuar këtë mbrëmje, Bashkia i bën thirrje qytetarëve të shmangin lëvizjet me makina të cilat nuk janë të domosdoshme. Kjo, sipas Bashkisë, pasi qyteti bregdetar është përshirë nga shirat e dendur.
Deklarata
Duke parë kushtet e motit në Vlorë, por edhe në të gjithë vendin, do ju luteshim të shmangni lëvizjet me makina që nuk janë të domosdoshme. Për shkak të shirave të dendur, duhet të keni kujdes edhe me vendin e parkimit të makinave dhe të jeni të vëmendshëm për vendet që rrezikojnë të përmbyten! Paralajmërimet e meteorologëve për shira të vazhdueshëm, na bëjnë të jemi të kujdesshëm.
Kujdesuni për veten dhe familjarët tuaj!
Për çdo nevojë vendosni kontakt me Ujësjellës Kanalizimet dhe Shërbimet publike të Bashkisë.
