Inspektorati Kombëtar i Mbrojtjes së Territorit ka nisur mëngjesin e kësaj të Marte një aksion për shembjen e disa objekteve në Jalë të Himarës.
Ka pasur përplasje verbale mes banorëve nga njëra anë dhe punonjësve të IKMT-së nga ana tjetër, që mbështeten nga forca të policisë.
Banorët thonë se nuk kanë asnjë lajmërim nga institucioni për shembjen e objekteve dhe pretendojnë se aksioni është i paligjshëm pasi vjen në kundërshtim me një vendim të Gjykatës Administrative të Vlorës.
Pavarësisht kundërshtime, IKMT ka shembur disa prona.
Mes banorëve të prekur nga shembjet e banesave dhe objekteve të tjera janë edhe persona të cilëve u janë shembur pronat gati tre vite më parë nga IKMT.
