Edy Reja, trajneri i kombëtares, në prag të ndeshjeve me Hungarinë dhe me Poloninë më 9 dhe 12 tetor, ka dalë para mediave dhe fillimisht foli për listën e lojatrëve dhe për dyshen e mesfushës që mungon.
“Laçi dhe Abrashi janë mungesa të rëndësishme. Kanë cilësi, por kemi edhe zgjidhje të tjera. Do bëjmë modifikimet tona. Janë ndeshje të rëndësishme këto që kemi tani përpara. E rëndësishme është të jenë mirë fizikisht këta që kemi në dispozicion. Flasim për komëbataren dhe ata që janë duhet të japin maksimumin. Do flas për lojtarët që kam dhe jo ata që mungojnë. Duhet të bëjmë ndeshje të mira.
Luajmë me Hungarinë dhe Poloninë, janë ndeshje të forta. Shqipëria po rritet ndeshje pas ndeshjes, jemi kompetitivë. Një humbje na largon nga ëndrra për të kapur plasy off. E rëndësishme është të marrim rezultate pozitive në këto dy ndeshje. Janë ndeshje vendimtare për objektivin tonë.
Shumë mbrojtës? Kam marrë dy lojtarë për çdo pozicion. Tre luajnë në qendër si zakonisht. Kam marrë gjashtë, është rikthyer Dermaku. Edhe Veseli është këtu. Do i shoh dhe do bëj vlerësimet e mia. Janë Trashi e Lenjani në krahun e majtë, Hysaj e Balliu që po luan shumë mirë në LaLiga me Rayo Vallecano.
Manaj pak minuta? Është i ri në ekipin e SPAL, por është stërvitur këto kohë dhe nuk ka luajtur shumë. Cikalleshi luan, Broja herë po e herë jo. Do shikoj kush është më në formë. Ai që është më në formë do të luajë.
Me Poloninë duhet të fitojmë, nuk kemi alternativë tjetër. Nuk më pëlqen të bëj llogari. Kemi ndeshjen me Hungarinë fillimisht. Në rastin më të keq duhet të marrin tre pikët me Poloninë. Një humbje e bën të vështirë. Idealja do të ishte të marrim 4 pikë në këto dy ndeshje.
Xhakën e kam ftuar disa herë dhe nuk ka dashur. Më vjen keq, sepse do na jepte një dorë. E ka refuzuar ftesën. E ftova edhe së fgundmi dhe nuk u përgjigj pozitivisht. Është e kotë që t’i dërgoj ftesa të tjera. Është çështje e mbyllur, nuk kemi çfarë diskutojmë. Këto janë faktet”, tha Reja.
