Një drejtues kamioni që mbante brenda bombola gazi alarmoi paraditen e kësaj të hëne Athinën, duke kërcënuar se do digjte veten.
Ai po lëvizte me mjetin pranë Monumentit të Ushtarit të Panjohur, duke bllokuar trafikun dhe frikësuar qytetarët aty rrotull.
Sipas policisë, i dyshuari që më pas u arrestua, është një fermer 58-vjeçar me problem të shëndetit mendor. Efektivët dhe antiterrori u mobilizuan menjëherë dhe tani po hetojnë për mënyrën si burri me kamion ia doli të ngjitet në Monumentin e Ushtarit të Panjohur.
