Tre tentativa të trafikimit të lëndëve narkotike përmes pikës së kalimit kufitar të Kakavijës janë zbuluar nga autoritetet policore dhe doganore shqiptare. Policia njoftoi se se ka arrestuar një 25-vjeçar shqiptar si dhe janë proceduar penalisht 5 shtetas të huaj.
Konkretisht në dalje të Shqipërisë, pas verifikimit të të dhënave në sistemin TIMS, kanë kaluar për kontroll në vijën e dytë automjetin tip “Volvo” që drejtohej shtetasi F. G., 25 vjeç, banues në Gjirokastër. Në serdilet e pasme të mjetit, në një vend të përshtatur janë gjetur 17 pako kanabis, me peshë totale 20 kg.
Po ashtu policia kufitare raporton se kanë ndaluar një makinë tip “Alfa Romeo” që drejtohej nga i V. K., si dhe udhëtonin si pasagjerë L. L. dhe K. K. (të tre shtetas gjerman). Nga kontrolli i ushtruar në bagazhin e automjetit, në vendin e gomës rezervë u gjetën 30 doza Cannabis Sattiva.
Ndërkohë në një tjetër makinë të ndaluar tip “Renault” me drejtues shtetasin H. D. dhe pasagjere shtetasen M. C., (shtetas francez), u gjetën 33 doza me lëndë të dyshuar narkotike Cannabis Sattiva.
Njoftimi i policisë:
Brenda pak orëve goditen tre raste të kësaj veprimtarie kriminale.
Arrestohet në flagrancë një 25-vjeçar, si dhe procedohen penalisht pesë shtetas të huaj.
Sekuestrohet 20 kg lëndë e dyshuar narkotike Cannabis Sattiva, 63 doza me lëndë të dyshuar Cannabis Sattiva, 1 automjet dhe 1 aparat celular.
Shërbimet e Policisë Kufitare Kakavije, në bashkëpunim me Sektorin për Hetimin e Narkotikëve dhe Trafiqeve të Paligjshme në DVP Gjirokastër, si rezultat i shtimit të kontrolleve me qëllim parandalimin dhe goditjen e paligjshmërisë, bazuar në informacionet në rrugë operative dhe në analizën e riskut, në dalje të RSH-së, pas verifikimit të të dhënave në sistemin TIMS, kanë kaluar për kontroll në vijën e dytë automjetin tip “volvo” që drejtohej shtetasi F. G., 25 vjeç, banues në Gjirokastër.
Gjatë kontrollit të ushtruar në automjet, nga shërbimet e Policisë Kufitare, në serdilet e pasme të mjetit, në një vend të përshtatur janë gjetur 17 pako të mbështjella, brenda të cilave kishte lëndë të dyshuar narkotike Cannabis Sattiva, me peshë totale 20 kg.
Në cilësinë e provës materiale u sekuestrua lënda narkotike, automjeti dhe 1 aparat celular.
———
Gjithashtu në djalje të RSH pas verifikimeve të të dhënave në Sistemin TIMS, shërbimet e Policisë Kufitare Kakavije kanë kaluar për kontroll në vijën e dytë automjetin tip “alfa romeo” që drejtohej nga shtetasi V. K., si dhe udhëtonin si pasagjerë shtetasit L. L. dhe K. K. (të tre shtetas gjerman).
Nga kontrolli i ushtruar nga shërbimet e policisë kufitare, në bagazhin e automjetit, në vendin e gomës rezervë u gjetën 30 doza me lëndë të dyshuar narkotike Cannabis Sattiva.
———-
Si dhe nga kontrolli i ushtruar në vijën dytë i automjetit tip “Renault” me drejtues shtetasin H. D. dhe pasagjere shtetasen M. C., (shtetas francez), u gjetën 33 doza me lëndë të dyshuar narkotike Cannabis Sattiva.
Në përfundim të veprimeve të kryera nga specialistët për Hetimin e Narkotikëve në DVP Gjirokastër u bë arrestimi në flagrancë i shtetasit F. G., 25 vjeç, banues në Gjirokastër, si dhe proceduan penalisht shtetasit V. K., 19 vjeç; L. L., 18 vjeç;
K. K., 19 vjeç, banues në Gjermani;
H. D., 32 vjeç dhe M. C., 40 vjeçe, banues në Francë.
Materialet i kaluan Prokurorisë Pranë Gjykatës së Shkallës së Parë Gjirokastër për veprat penale “Trafikim i lëndëve narkotike” dhe “Prodhim dhe Shitje e lëndëve narkotike”.
