Një ngjarje e rëndë u raportua ditën e djeshme ne Malin e Zi, ku një 19-vjeçare shqiptare u vra në Tuz nga ish i dashuri i saj Ilir Gjokaj në shtëpinë ku jetonte bashkë me gjyshen dhe familjen.
Bëhet fjalë për shqiptaren Shejla Bakija, fati tragjik i së cilës ka bërë që shumë komentues të reagojnë të zemëruar në rrjetet sociale.
Nga raportimet paraprake u mësua se para pak kohësh ajo kishte bashkëjetuar me të dashurin dhe më pas ishte ndarë për t’u kthyer sërish në shtëpinë e prindërve.
Ndërsa reagimet kanë qenë të shumta dhe qytetarët kanë thirrur protestë ditën e sotme në orën 12:00 para ndërtesës së Policisë së Tuzit. Ndër ta është edhe modelja e njohur me origjinë shqiptare Emina Cunmulaj, e cila jeton në SHBA.
