Tirana po përballet me Laçin në “Selman Stërmasi”, në sfidën e vlefshme për javën e katërt të Abissnet Superiores. Bardheblutë do të synojnë rikthimin te fitorja pas dy barazimeve radhazi, ndërsa kurbinasit 3-pikëshin e parë sezonal.
Në minutën e 3-të të takimit, Tirana arrin ta dërgojë topin në rrjetë me Ngoo, por ka pozicion jashtë loje të Hoxhallarit, rapoton Supersport.
Momentet më pikante të pjesës së parë
34’ – Rreziku kalon në portën e Bekajt, që shoqëron me sy topin e goditur me kokë nga Guindo, i asistuar nga Mazrekaj.
30’– Dajsinani në lartësinë e detyrës pas goditjes së Ismajlgecit nga brenda zonës, “gardiani” kavajas e dërgon topin në fundore.
22’ – Seferi krijon hapësirën e nevojshme për të goditur nga jashtë zonës, por topi shkon mbi tra.
10’ – Ka nervozizëm në fushë, Seferi reagon në mënyrë antisportive ndaj portierit Dajsinani pas një dyluftimi. Gjyqtari i nxjerr të verdhën sulmuesit të Tiranës.
