Konkurrenti i “Për’puthen”, Juli Çela ka pasur debate të herë pas hershme me vajzat në studio, pasi shumica prej tyre nuk e shohin atë si mashkullin që duan të kenë në krah.
Juli tërhoqi vëmendjen e të gjithëve me hyrjen e tij për shkak të pamjes së jashtme. 20-vjeçari nuk mban mjekër dhe mundohet që të kurohet deri në detaje në fytyrë, gjë që e ka bërë të duket më pak “mashkullor” në syrin e vajzave.
Ditën e djeshme, në rrjet u aludua se Juli është në një lidhje me një djalë jashtë programit. Dyshimet nisën pasi përdoruesit e rrjeteve sociale vunë re një profil në Instagram që kishte të njëjtën “bio” si konkurrenti i “Për’puthen”.
“Njerëz që qëndrojnë”, shkruhej në të dyja “bio-t” e profileve të tyre.
Nisur nga kjo, Juli e postoi profilin e Enbi Tririt në Instastory dhe krahas saj shkroi: “Julka me shpirtin binjak (shoqëruar me emoji duke qeshur me lot). Lajme fake (të rreme). Është thjesht një njeri që unë i kam marrë bio-n”.
Deri më tani, Çela nuk ka arritur të fitojë asnjë takim nga konkurrentet në programin e dashurisë.
