Ish-pronari i ekipit të Palermos, Maurizio Zamparini dhe familja e tij janë duke përjetuar një dhimbje të madhe, pasi djali i tij 23-vjeçar u gjet i vdekur në apartamentin e tij në Londër.
Mediat vendase raportojnë se ish -presidenti, 60 vjeç, ishte dje duke shkuar në kryeqytetin anglez me partneren e tij Laura Giordani, 53 vjeç, pasi djali i tyre Armando u gjet i vdekur.
Mësohet se, Armando, 23 vjeç, u gjet në apartamentin e tij në Mayfair, ku kishte jetuar për disa vjet me një mik dhe vetëm një ditë para se të fillonte një punë të re, kishte ndërruar jetë. Zamparini tha se i dërgoi djalit të tij Armando, i njohur gjithashtu si Armandino, një mesazh duke i uruar fat të mirë, por kurrë nuk mori përgjigje.
