Cristiano Ronaldo është deri më tani futbollisti që bën më pak pressing në Premier Ligë referuar shifrave. Qëkur sulmuesi portugez u kthye te Manchester United, ai e ka treguar tashmë se di se si të shënojë gola.
Por 36-vjeçari është një futbollist ndryshe me atë që tifozët e “Djajve të Kuq” panë 12 vite më parë.
Energjia dhe ritmi tepër i shpejtë janë e kaluara.
Tashmë, ajo që portugezi bën në fushë është që të bëjë bomberin e mençur. Por asgjë më shumë.
Premier Liga është një kompeticion ndryshe, me sulmues që duhet të jenë agresiëe kundër mbrojtjes rivale.
Referuar statistikave të “The Athletic”, Ronaldo ka një mesatare të të bërit pressing prej 2.7 herë në 90 minuta.
Kjo do të thotë se ai është sulmuesi që bën më pak pressing në kampionat krahasuar me të tjerët.
Asnjë nuk ka bërë më keq se sa portugezi, duke llogaritur performancën e sulmuesve që kanë luajtur të paktën 270 minuta këtë sezon.
Kryesojnë renditjen Uilfred Zaha dhe Nil Maupaj, që në 90 minuta kanë kryer nga 20 rate pressing secili.
