Borussia e Dortmundit e shikon veten për momentin force e dytë në Bundesliga pas fitores së vështirë 2-1 përballë Augsburg. Pa bomberin e saj, Haaland të ndaluar për shkak dëmtimi, verdhezinjtë kalojnë me vështirësi kundërshtarin teksa pësojnë edhe dëmtimet e Hummels dhe Meunier.
Mbrojtësi Guerreiro hapi serine e golave në 10’ teksa u përgjigj sulmuesi me origjinë shqiptare, Andi Zeqiri në 35’ dhe në pjesën e dytë, Julian Brandt shënoi golin e 2-1 në minutën e 51.
Në ndeshjet e tjera, Wolfsburgu pësoi një humbje të thellë 1-3 në shtëpi përballë M’Gladbach ndërsa surpriza Freiburg me fitoren 2-1 në fushën e Hertha Berlin kalon në vend të trerë po aq pike, 15 sa Dortmundi.
