Një person është arrestuar nga policia e Tiranës dhe dy të tjerë janë proceduar penalisht në kuadër të një hetimi për veprat penale “Ndihma për kalim të paligjshëm të kufirit”, dhe “Falsifikimit të letërnjoftimeve, pasaportave ose i vizave”.
Në pranga u vu N.M., 35 vjeç, si dhe u proceduan shtetasit K.M., 41 vjeç dhe S.A., 31 vjeçe.
“Nga hetimet ka rezultuar se shtetasi N.M në bashkëpunim dhe me shtetas të tjerë (ende të paidentifikuar) kundrejt shumës rreth 25.000 Euro dyshohet se ka pajisur me pasaporta të falsifikuara spanjolle shtetasit K.M dhe S.A dhe dy fëmijët e tyre të mitur me qëllim udhëtimin e tyre drejt Gjermanisë. Shtetasit K.M dhe S.A kanë tentuar dy herë të kalojnë nëpërmjet aeroportit të Rinasit, por nuk kanë mundur dot të largohen”, njoftoi policia.
