E angzhuar prej kohësh në mbrojtjen e të drejtave të grave, aktorja dhe deputetja e Kosovës, Adriana Matoshi, ditën e djeshme ka ndarë një informacion të rëndësishëm, me ndekësit e saj në Facebook.
Ajo ka pohuar publikisht se është kërcënuar në mënyra të ndryshme vetëm pasi ka marrë këtë lloj angazhimi kundrejt grave.
“Ditëve të fundit jam bërë cak i kërcënimeve të ndryshme për shkak të angazhimit tim në mbrojtje të drejtave të grave, sidomos ndihmës që po ju jap grave të cilat me vite kanë pësuar dhunë psiqike e fizike nga burrat e tyre”.
“Gabon rëndë ai që mendon që më frikëson, sepse hyrja ime në politikë dhe parlament ka një mision, i cili nuk do të pushojë para se çdo nënë, motër e grua ta fitojë lirinë dhe të drejtën e vet elementare njerëzore për të jetuar e lirë dhe e pacënuar nga askush”, shprehet ajo.
