Khloe Kardashian nuk ka qenë kurrë në Met Gala dhe ky fakt ka bërë që shumë njerëz të besojnë se ajo në të vërtetë nuk është ftuar kurrë në eventin e famshëm. Megjithatë, Khloe nuk ka folur asnjëherë rreth këtyre thashethemeve, deri së fundmi.
Një fans i kërkoi Khloe-s të sqaronte nëse është e vërtetë që asaj i është ndaluar pjesëmarrja në Met Gala. Kardashian, më në fund, iu përgjigj këtyre thashethemeve, shpejt dhe shkurt, me vetëm tre fjalë.
“Absolutisht e pavërtetë” – shkroi Khloe, po nuk shpjegoi pse nuk ka qenë kurrë në ngjarjen, që konsiderohet si nata më e madhe e modës, së bashku me pjesën tjetër të familjes së saj të famshme.
