Nipi i Spiro Kolekës, ish-anëtarit të Byrosë Politike, Gjergji Koleka, është marrë i pandehur për akuzën e “marrëdhënie seksuale me dhunë me të rritura” mbetur në tentative dhe “Dhunës në familje”.
Çështja penale kundër Kolekës, tashmë ka përfunduar së hetuari nga prokuroria dhe pritet që në ditët në vijim të fillojë procesi gjyqësor, ku gjyqtar është zgjedhur, Besnik Hoxha.
33-vjeçari Koleka u arrestua në 5 prill 2021 nga efektivët e policisë së Komisariatit Nr. 1 në Tiranë, për akuzën e “përndjekjes” dhe “marrëdhënie seksuale me dhunë me të rritura” mbetur në tentative.
Gjatë hetimeve të kryera nga prokurori, Adriano Dyrmishi, është arritur të sekuestrohet dhe një video nga kamerat e sigurisë së një qëndër tregtare në Tiranë, ku dukshëm Gjergji Koleka kryen veprime të dhunshme dhe tenton të kryejë marëdhënie seksuale pa dëshirën e vajzës.
Koleka, është nipi i Spiro Kolekës, ish-ministrit dhe anëtarit të Byrosë Komuniste në Shqipëri. Momentalisht Gjergji Koleka ndodhet i lirë pasi gjyqtari i Tiranës Arben Micko, gjatë kohës së vlerësimit të gjëndjes së arrestit, vendosi të mos pranojë kërkesën e prokurori Dyrmishi, për caktimin e masës së sigurisë “arrest në burg”.
/Ora News/
