Deputetë të Partisë Demokratike kanë depozituar në komisionin parlamentar të Ekonomisë këtë të Enjte kërkesën për thirrjen në seancë dëgjimore të Autoritetit të Konkurrencës në datë 10 Tetor.
Arsyeja lidhet me rritjen e çmimit të bukës.
Në kërkesën e ligjvënësve demokratë shkruhet se rritja e çmimit të bukës, që ka sjellë efekt zinxhir rritjen e çmimeve të produkteve të shportës, ka ndikuar në thellimin e varfërisë.
Deputetet e PD kanë kërkuar në seancë dëgjimore kryetaren e Autoritetit të Konkurrencës për t’u njohur me masat dhe procedurat e kryera nga Autoriteti për rritjen e çmimit të bukës.
