Për të dytin vit radhazi nxënësit e shkollave janë lënë në mes të katër rrugëve, dhe po përdoren ‘mish për top’ në emër të luftës kundër koronavirusit.
Ashtu si një vit më parë, edhe këtë vit Ministria e Arsimit me në krye Evis Kushin, kanë vendosur që nxënësit e shkollave të vijojnë mësimin me turne dhe me orë të shkurtuara, duke e bërë mjaft të vështirë si mësimdhënien por edhe mësimnxënien.
Një skandal i madh dhe i neveritshëm për mënyrën se si Ministria dhe qeveria po i trajton fëmijët shqiptarë.
Për qeverinë rilindase dhe ministren Kushi fajtorët për rritjen e numrit të të infektuarve nuk janë, as ndeshjet e futbollit në stadiumet plot me tifozë, as ngjeshja e njerëzve si bagëti nëpër autobusë, por janë fëmijët që ndjekin shkollat.
Por telendisja e nxënësve me orar e pa orar nëpër shkolla dhe rrugë tashmë është bërë një problem mjaft serioz edhe për prindërit shqiptarë, të cilëve u është dashur të gjejnë zgjedhje nga më të ndryshmet për të shoqëruar apo marrë fëmijët e tyre nga shkolla.
Prej disa ditësh prindërit shqiptarë kanë nistur mbledhjen e firmave për peticionin ku kërkojnë që të rikthehet ora normale në shkolla dhe nxënësit të marrin të gjitha njohuritë normalisht, e jo të cunguara.
Gjithashtu në këtë peticion kërkohet heqja e mësimit me turne, i cili më shumë po i dëmton fëmijët dhe ka krijuar shpërqëndrim tek të miturit, por edhe tek familjet e tyre.
Tashmë mbledhja e fimrave do të bëhet në çdo cep të Tiranës duke u shrirë më aps në të gjithë vendin.
Ja thirrja që është bërë në rrjet:
E nisem nga “Emin Duraku” firmosjen e peticionit per rikthimin e mesimit normal, por interesi eshte i larte ne cdo shkolle.
Kerkesa dhe kushti i prinderve eshte rikthimi i oreve mesimore 45 minuta.
Shume prinder po kerkojne se ku mund te firmosin, duke qene se nuk vijme dot ne cdo shkolle, per tu ardhur ne ndihme te gjithe prinderve, neser (e Premte 1 Tetor) ne oren 17:30 do jete nje stende te Pazari i Ri ku ju mund te firmosni.
Te Shtune dhe te Diel do jemi te diga e Liqenit
Te bashkuar per femijet tane!
